गजल
झरि परेपछि मन त्यत्तिकै आतिने रहेछ ।
पल पलमा झस्किंदै रात काटिने रहेछ ।।
कोभिड,बाढी,पहिरो,डुबानको मारले
खाटा बसेको घाउ फेरि फाटिने रहेछ ।।
क्षणभरमै हेर्दाहेर्दै गाउँ नै सखाप पार्दै
बिस्वासै नलाग्ने ठाउँमा भासिने रहेछ ।।
निर्दयी बनेर प्रकृतिले ताण्डब देखाउदा
बिनाशले ठूलो धन र जन मासिने रहेछ ।।
श्रावणमा झम्-झम् झरिको आवाजले
मन तरंगित, शरीर झन काठिने रहेछ ।।
-राम भण्डारी
सिन्धुपाल्चोक
हालः काठमाडाैं ।
