तितोपाटी – नेपालमा कोरोना भाइरसबाट संक्रमित हुनेको संख्या १०४२ पुगेको छ भने कोरोनाको कारण ज्यान गुमाउनेको संख्या ५ पुगेको छ। बिहिबार मात्रै १५६ कोरोनाभाइरस सङ्क्रमित थपिएको र थप एक जनाको मृत्यु भएको बिहीवार पुष्टि भएको हो । स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटाले पछिल्लो २४ घण्टामा थप १ सय ५६ जनामा संक्रमण पुष्टि भएसँगै संक्रमितको संख्या एक हजार ४२ पुगेको जानकारी दिएका हुन् । दैनिक संक्रमित हुनेमा यो संख्या अहिलेसम्म कै अधिक हो ।
मन्त्रालयले दिएको जानकारी अनुसार अहिलेसम्म कोरोनामुक्त हुनेको सङ्ख्या १८७ पुगेको छ भने ७७ जिल्ला मध्ये ५२ जिल्लामा कोरोना संक्रमण फेलिसकेको छ । त्यसै गरि कोरोना भाइरसबाट बाट मृत्यु हुनेको संख्या अब ५ पुगेको छ। अहिले पुष्टि भएका व्यक्ति ललितपुरका ५६ वर्षीय पुरुष भएको मन्त्रालयले जनाएको छ।
विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म ५८ लाख ७ हजार भन्दा बढि संक्रमित भइ २५ लाख १० हजार भन्दा बढिले स्वास्थ्यलाभ गरिसकेका छन् भने ३ लाख ५७ हजार भन्दा बढिको ज्यान गइसकेको छ ।
