तितोपाटी – विश्वभर महामारीको रूपमा फैलिरहेको कोरोना भाइरसबाट नेपालमा संक्रमित हुनेको संख्या ५४८ पुगेको छ । शनिबार राष्ट्रिय जनस्वास्थ्य प्रयोगशाला काठमाडौं र प्रादेशिक जनस्वास्थ्य प्रयोगशाला भैरहवा र भरतपुर अस्पताल, कोभिड-१९ प्रयोगशालामा गरिएको परीक्षणमा थप ३२ जनामा संक्रमण पुष्टि भएसँगै संक्रमितको संख्या ५ सय ४८ पुगेको हो ।
शनिबार संक्रमण पुष्टि भएकाहरुमा कपिलवस्तु, सर्लाही, बारा, रुपन्देही, चितवन र काठमाडौंका रहेका स्वास्थ्य मन्त्रालयका सहप्रवक्ता डाक्टर समिरकुमार अधिकारीले जनाएका छन् ।
कोरोना भाइरसको कारण विश्वभर अहिले सम्म ५२ लाख ५८ हजार भन्दा बढि संक्रमित भइ २१ लाख ११ हजार भन्दा बढिले स्वास्थ्य लाभ गरेका छन् भने ३ लाख ३९ हजार भन्दा बढिको ज्यान गइसकेको छ । नेपालमा अहिले सम्म कुल ५४८ जना संक्रमित भइ ७१ जनाले स्वास्थ्यलाभ गरेका छन् भने ३ जनाको ज्यान गइसकेको छ ।
