तीतोपाटी-प्रधानमन्त्री निवास बालुवाटारमा प्रधानमन्त्री केपी शर्मा ओली र सातै प्रदेशका मुख्यमन्त्रीहरूबीच भेटवार्ता भइरहेको छ । प्रधानमन्त्रीलाई भेट्न बिहीबार बिहान प्रधानमन्त्री निवास बालुवाटार पुगेका मुख्यमन्त्रीहरूले अहिले प्रधानमन्त्री ओलीसँग भेटवार्ता गरिरहेको छन् ।
सरकारको नीति तथा कार्यक्रम र आगामी बजेटका विषयमा केन्द्रित रहेर छलफल भइरहेको स्रोतले जनाएको छ । विकास परिषद्को बैठकका लागि काठमाडौं आएको मौकामा प्रधानमन्त्री र मुख्यमन्त्रीबीच छलफल हुन लागेको बताइएको छ ।
त्यस्तै बैठकमा बारामा गएको आँधी प्रभावितका बारेमा एवं प्रदेशका लागि आगामी बर्षको नीति तथा कार्यक्रमका बारेमा पनि छलफल हुने भएको छ ।
