तितोपाटी- लगातार रुपमा बलात्कार लगायत महिला हिंसाका घटना घटिरहेको तर सरकारले रोकथाम गर्न नसकेको भन्दै राष्ट्रिय प्रजातन्त्र पार्टीको भातृ संगठन राष्ट्रिय प्रजातान्त्रिक महिला संगठनले काठमाडौँमा विरोध प्रदर्शन गरेको छ ।
केहि समय यता देशका विभिन्न स्थानमा श्रृंङखलावद्ध रुपमा बलात्कारका घटना घट्दा समेत सरकारले रोकथामको प्रयास नगरेको भन्दै प्रदर्शन गरिएको हो ।
काठमाडौँको बबरमहलबाट शुरु भएको प्रदर्शन माइतिघर मण्डालामा पुगेर कोणशभामा परिणत भएको थियो ।
विरोध प्रदर्शनका सहभागीहरुले नारी अस्मिताको रक्षा गर, बलात्कारीलाई कारबाही गर, संविधानमा लेखिएको महिला हक सम्बन्धि अधिकारहरुलाई तुरुन्त ऐन बनाई कार्यान्नयन गर लगायतका नारा लगाएका थिए ।
उनीहरुले महिलामाथि भैरहेका श्रृंखलावद्ध बलात्कार हिंसा र हत्याका घटना रोकथामका लागि सरकारको ध्यानाकर्षण गराउन प्रदर्शन गरेको बताएका छन् ।
