गजल
परदेशिएका युवाहरु लाई,बोलाउन पहल गरौं ।
बन्द भएका उद्द्योग धन्दा,खोलाउन पहल गरौं ।।
सिंचाइ गर्नु पर्ने नदी, बाढी बनि उर्लि आउँछ ।
नहर बनाइ तिनको पानी, डोलाउन पहल गरौं ।।
जुम्ला मुस्ताङ तिर स्याउ,कुहिराछ छ बारी भरि ।
बजार सम्म ल्याउन साधन, चलाउन पहल गरौं ।।
पाइन्न यहाँ अवसर केहि, परदेश जानु बाध्यता छ ।
स्वदेशमै रोजगारको व्यवस्था, मिलाउन पहल गरौं ।।
कृषि क्षेत्रमा पनि प्रविधिको, उच्चतम प्रयोग गरी ।
बाँझो खेत र पाखा तिर बाली, झुलाउन पहल गरौं ।।
कमला न्यौपाने
झापा-हाल भक्तपुर-नेपाल