तिताेपाटी — मिडियामा समावेशीकरण नीति अझै पनि प्रभावकारी हुन नसकेको तथ्यांकले खुलाएको छ । राजधानीमा मंगलबार पत्रकार महासंघको समावेशी समितिले गरेको अन्तक्रियात्मक कार्यक्रममा यस्तो निष्कर्ष निकालिएको हो ।
कार्यक्रममा कान्तिपुर दैनिकका अनलाइन सम्पादक खिम घले र नेपाल प्रेस काउन्सिलका सदस्य शुभेच्छा विन्दुले मिडिया र समावेशी अवस्थासम्बन्धी कार्यपत्र प्रस्तुत गरेका थिए ।
विन्दुले नेपालमा ९ सय ३६ पुरुष सम्पादक रहेकोमा महिला सम्पादक जम्मा १ सय ९ जना मात्रै भेटिएको बताइन् । उनले महिला पत्रकारलाई टिकाइराख्न मिडिया हाउसले महिलामैत्री कार्यालय बनाउनुपर्नेमा जोड दिइन् ।
घलेले संविधानको प्रस्तावनामै समानुपातिक समावेशीकरण सिद्धान्त लागू गर्नुपर्ने उल्लेख भए पनि व्यवहारमा मिडिया हाउसमा यो सिद्धान्त कार्यान्वयन हुन नसकेको बताए । समावेशिताले मिडिया हाउसलाई पूर्ण बनाउन मद्दत गर्छ,’ उनले भने, ‘यो संवैधानिक मर्मअनुकूल काम पनि हो ।’
– कान्तिपुर
