‘तिमी हुन्छाै जहाँ जहाँ’ उपत्यका भित्र र बाहिर एकैसाथ

तितोपाटी – नेपाली कथानक चलचित्र ‘तिमी हुन्छाै जहाँ जहाँ’ गत शुक्रबारबाट उपत्यका र उपत्यका बाहिर एकैसाथ प्रदर्शन भैरहेको छ । अहिलेका पुस्तालाई लक्षित गरेर निर्माण गरिएको ‘तिमी हुन्छौ जहाँ जहाँ’ले दर्शकको मन जित्ने जिकिर निर्माताको छ ।  यस चलचित्रमा मदन दवाडी, डालचन्द्र दवाडी, प्रकास बास्कोटा र हरिप्रसाद अधिकारीको समेत  लगानी छ ।

विकाश बस्यालको निर्देशन रहेको र त्रिकोणात्मक प्रेमकथा प्रस्तुत गरेको चलचित्रमा मनिष सुन्दर श्रेष्ठ, मलिना जोशी, स्वरुपपुरुष ढकाल, रबी गिरी, तमन्ना केसी, गीता अधिकारी, विश्व बस्नेत लगायतको अभिनय चलचित्रमा देख्न सकिन्छ । वर्षा शिवाकोटीले यसमा अतिथि भूमिका निर्बाह गरेकी छन् ।

‘तिमी हुन्छौ जहाँ जहाँ’ मा रामशरण उप्रेतीको छायाँकन, कबिराज गहतराजको नृत्य, अर्जुन पोखरेलको संगीत रहेको छ ।