तितोपाटी – कुवेतमा २०५ औं भानु जयन्ति मनाईने भएको छ । विश्व नेपाली साहित्य महासंघ कुवेतको आयोजनामा आउँदो जुलाई १३ तारिख शुक्रबारका दिन कुवेतमा २०५ औं भानु जयन्ति साहित्य श्रृंखला वाचन गरेर मनाउन लागिएको बुझिएको छ ।
विश्वभरका साहित्यकारहरु एकजुट होऔ नेपाली साहित्यलाई समद्ध बनाऔ भन्ने मूल उदेश्यका साथ स्थापना भयको विश्व नेपाली साहित्य महासंघ कुवेतले हरेक बर्ष विभिन्न कार्यक्रम गरी भानु जयन्ति मनाउदै आएको छ ।
नेपाली भाषाका अादिकवि भनेर चिनिएका भानुभक्तले संस्कृत भाषामा रहेको रामायणलाई नेपाली भाषामा अनुवाद गरेका थिए । उनले अनुवाद गरेका रामायणका श्लोक आज पनि उत्तिकै लोकप्रिय छन्। भानुभक्तका प्रश्नोत्तर, भक्तमाला, वधूशिक्षा, रामगीतासँगै विभिन्न फुटकर कविता कृति प्रकाशित छन् ।
उक्त दिन कार्यक्रम नजुधाई दिनहुन र कार्यक्रमलाई सफल पार्न सहयोग गरीदिनुहुन कुवेतमा क्रियाशील बिभिन्न संघ संस्था समाजसेवी, बुद्धिजीवि, पत्रकार, खेलाडी र कलाकार लगायत सम्पूर्ण कुवेतवासी नेपालीहरुलाई महासंघले हार्दिकअनुरोध समेत गरेको छ ।
कार्यक्रमको विवरण
मिति : १३ जुलाई २०१८ शुक्रबार
स्थान: पपिन्स हल जिलिब
समय: बिहान ठिक १० बजे
सम्पर्क नं: ६६२६५२२६ / ६७७४९३६१ / ५०६६११७४/५०३०७३०३
