तितोपाटी – विभिन्न देशमा आकर्षक तलब सुविधासहितको जागिर भन्दै राष्ट्रिय पत्रिकाहरुमा सुचना निकाल्दै सर्वसाधारणलाई ठग्ने प्रवृत्ति बढेको छ । बानेश्वरमा रहेको कोरल एजुकेशन कन्सल्टनेशी, रोएल एजुकेशन कन्सल्टेन्सी, रोएल एचआर सोलुशनले क्यानडा, अष्ट्रेलिय लगाएतका देशमा जाने सुवर्ण अवसर लगातका सुचना प्रकाशन गर्यो ।
यही देखेर सामाखुशीका गोविन्द रेग्मी, सुर्यविनायक विदुर घतानी, समिर तिवारी, भविष्य खड्का लगाएतका युवाहरु उक्त कन्सल्टेन्सीमा पुगे । यी दुवै कन्सल्टेन्सी र मेनपावर एकै व्यक्ति कृष्ण बहादुर सिकेको रहेछ । सिके ले उनिहरु सबैलाई फरक फरक समयमा क्यानडा, अमेरिकन क्रुज, रसियन क्रुज, अस्ट्रेलिया लैजाने भन्दै ५० हजार देखि ६ लाख रुपैया लिए ।
उनले पैसाको डिल आँफु गर्थे र कार्यालयका कर्मचारीलाई दिन लगाउँथे । अहिले उनी सम्पर्क विहिन छन् । कहिले काँही भारतमा छु भन्दै म्यासेज गर्छन् तर फेरी गाएव हुन्छन् । अहिले ५० जना भन्दा बढी युवाहरु कृष्ण बहादुर सिकेको खोजी गर्दै प्रहरी प्रशासन धाइरहेका छन् तर कसैले उनिहरुको कुरा सुन्दैनन् । प्रहरीले वैदेशीक रोजगारको केश हेर्दैनौ भन्छ भने वैदेशीक रोजगार विभागका अधिकारी यो कन्सल्टेन्सीको केश हो भन्दै पन्छिदै आएका छन् ।
