Wednesday 18th November 2026

ग्याँस सिलिण्डर पड्केर कोरियामा १ नेपालीको मृत्यु


तितोपाटी – दक्षिण कोरियाको ख्यङसाङनामदो प्रान्तको मिरयाङ छोदोङ सहरस्थित माछाको दाना बनाउने कम्पनीमा कार्यरत एक नेपालीको मृत्यु भएको छ । मंगलबार भएको औद्योगिक दुर्घटनामा मोरङ बेलबारीका बलकुमार राईको मृत्यु भएको हो ।
दाना पकाउने भाँडामा सोमबार बिहान ग्यास लिक भएर सिलिन्डर पड्किँदा राई घाइते भएका थिए । तुरुन्तै भुसान अस्पताल लगिएका राईलाई राति दुई बजे अस्पतालले मृत घोषणा गरेको उनका साथी सुरेश राजवंशीले जानकारी दिए । राईको शव अस्पतालमै राखिएको छ ।

इपिएसमार्फत तीन वर्षअघि कोरिया आएका ३२ वर्षीय राईको पत्नी र एक छोरा छन् । उक्त कम्पनीमा उनीसहित ६ नेपाली कार्यरत थिए ।

यसअघि जुन १३ तारिखमा यहाँ पोखरा बाझपाटन निवासी बलबहादुर गुरुङ मृत्यु भएको थियो । उनकै शव कोरियामै रहेको छ ।


सम्बन्धित शीर्षकहरु

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

अमेरिका र इरानले एकअर्काका सैन्य लक्ष्यमा आक्रमण गरेको दाबी गरेका छन्, जसले मध्यपूर्वमा तनाव अझ बढाएको छ। यसै बिच कुवेतले…

रुसको दक्षिणपश्चिमी साइबेरियास्थित केमेरोभो क्षेत्रमा भएको सैन्य विमान दुर्घटनामा विमानमा सवार सबै १९ जनाको मृत्यु भएको छ। रुसी रक्षा मन्त्रालयका…

प्रतिकृयाहरू
...