हरी कृष्ण न्यौपाने,तीतोपाटी डटकम-कुवेतको फर्वानिया ब्लक ६ मा अबैधानिक रुपमा बसेर काम गर्दै आएका नुवाकोटका सुसिल आचार्यको हिजो मेई-२९-२०१८का दिन मृत्यु भएको छ।
लुम्बिनी समाज नेपाल-कुवेतका अध्यक्ष रुपेन्द्र बिक्रम हमालले तीतोपाटी डटकमलाई दिएको प्रारम्भिक जानकारी अनुसार आफ्नो कम्पनीबाट भागेर अन्त कतै काम गर्दै आएका नुवाकोटका सुशिल आचार्यको आफु बसेको कोठामै मृत्यु भए पछी उनका साथीहरुले दुताबास र प्रहरीलाई खबर गरेका थिए।
प्राप्त जानकारी अनुसार २-३ दिन देखी मृतक आचार्य काममा समेत गएका थिएनन्।
यसै बिच नेपाली दुताबास कुवेतका प्रथम सचिब भोगेन्द्र लिङ्देनले सुसिल आचार्यको मृत्यु भएको प्रहरीले पुष्टी गरे पनि उनको मृत्युको बारेमा थप अनुसन्धान भईरहेको बताएका छन। मृतको शबलाई फर्वानिया अस्पातलमा राखिएको र अन्य जानकारी लिने तथा कानुनी प्रकृया शुरु गरी सकिएको प्रथम सचिबले तीतोपाटीलाई बताए।
