माधव पाैडेल “असल यात्री”
साझँमा खेलेको लुकामारी पुरानो गाउँमा
सम्झि रुदै छिन रे प्यारी पुरानो गाउँमा ।
बनमा काफल,चुत्रो,अमारो,कटुस पाक्थो
थियो नजिकै अैशेलु घारी पुरानो गाउँमा ।
लेक बेशी झर्दाको पल को भुल्न सक्छ र ?
चौतारीमा स्वामीको छहारी पुरानो गाउँमा ।
गाउँघरको खबर ल्याउछ कागले काँ काँ गर्दै
अचेल बाझै छन् रे खेतबारी पुरानो गाउँमा ।
रक्षानमा साग हुन्थे बगैचामा फलफूल लटरम्म
किनेर ल्याछन् रे बासी तरकारी पुरानो गाउँमा ।
मठ मन्दिरहरु छैन अरे पुजा पाठ बन्दै भो रे
कहाँ होलान् बाबा ब्रह्मचारी पुरानो गाउँमा ।
छ भन्दैमा धनाढ्यहरुले सुन खाएर हुन्न क्यारे
भोटबाट ल्याउनुछ नुन एक भारी पुरानो गाँउमा ।
