Wednesday 18th November 2026

१० राजदूतलाई ओली सरकारले फिर्ता बोलाउँदै


काठमाडौं, नेपाल कम्युष्टि पार्टी (नेकपा) ले विभिन्न १० मुलुकका राजदूतहरुलाई फिर्ता बोलाउने तयारी थालेको छ ।
कार्य दक्षतामा समस्या देखिएको भन्दै १० वटा देशबाट राजदूत फिर्ता बोलाउन लागिएको समाचार स्रोतले जानकारी दिएको छ । यसरी फिर्ता गर्न लागिएका अधिकांश कांग्रेस, राप्रपा र तत्कालीन फोरम लोकतान्त्रिकबाट राजदूत बनेकाहरु छन् ।

तत्कालीन माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारको पालामा कांग्रेस, राप्रपा र तत्कालीन फोरम लोकतान्त्रिकबाट राजदूत बनेकाहरुले अहिले प्रचण्ड नेतृत्वको पार्टीको सरकारले फिर्ता गर्न लागेको हो । अहिले फोरम लोकतान्त्रिक कांग्रेसमा एकीकरण भएको छ ।

राजदूत फिर्ता बोलाउन लागिएकोमा कांग्रेसबाट राजदूत बनेका दक्षिण कोरियाका अर्जुनजंगबहादुर सिंह, म्यानमारका भीम उदास, बंगलादेश चोपलाल भुसाल, श्रीलंकाका विश्वम्भर प्याकुरेल, कतारका रमेशप्रसाद कोइराला कतार र यूएईकी आशा लामा रहेकी छिन् ।
यस्तै राप्रपाको कोटामा राजदूत बनेकी जापानकी राजदूत प्रतिभा राणा, स्पेनका भरत रायमाझी र इजरायलका निरन्जन थापालाई पनि फिर्ता बोलाइने भएको छ ।

यस्तै, तत्कालीन फोरम लोकतान्त्रिकको कोटामा राजदूत बनेकी ओमानकी राजदूत शर्मिला पराजुलीलाई पनि फिर्ता बोलाइने भएको छ । भारत, मलेसिया र संयुक्त अरब इमिरेट्स (यूएई) मा राजदूत रिक्त रहेका बेला कार्यकाल बाँकी रहेकै अवस्थामा उनीहरुलाई फिर्ता बोलाउन लागिएको हो ।

-नयाँपेजबाट


सम्बन्धित शीर्षकहरु

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

अमेरिका र इरानले एकअर्काका सैन्य लक्ष्यमा आक्रमण गरेको दाबी गरेका छन्, जसले मध्यपूर्वमा तनाव अझ बढाएको छ। यसै बिच कुवेतले…

रुसको दक्षिणपश्चिमी साइबेरियास्थित केमेरोभो क्षेत्रमा भएको सैन्य विमान दुर्घटनामा विमानमा सवार सबै १९ जनाको मृत्यु भएको छ। रुसी रक्षा मन्त्रालयका…

प्रतिकृयाहरू
...