कुवेतको मङ्गाफ स्थित कामदार बस्ने एक ६ तले भवनमा आगलागी हुँदा ४३ जना कामदारको मृत्यु भएको छ । स्थानीय संचारमाध्यमहरूका अनुसार मृत्यु हुनेमा अधिकांश भारतीय नागरिक रहेका छन् । मंगाफ स्थित ब्लक ४ को २३ नं. सडकमा रहेको उक्त भवनमा विहानीपख कामदारहरू सुतिरहेको समयमा आगलागी भएकोले हताहत हुनेको संख्या अझ बढ्न सक्ने बताइएको छ ।
६ तलाको भवनमा १९६ जना कामदार बस्दै आएको उक्त भवनमा आगलागी हुदा थुप्रै घाइते भएका छन् । आगलागी बिहान ४ः३० बजेतिर भएको हो । कतिपय मृतकको पहिचान बायोमेट्रिक फिंगरप्रिन्टिङ वा डीएनए फिंगर प्रिन्टिङ प्रयोग गरेर फरेन्सिक प्रमाणबाट गरिने बताइएको छ ।
धेरै जसो भारतीय नागरिक परेका छ्न। नेपाल लगायत अन्य देशका कामदार उक्त भवनमा के कति थिए? कति आगलागीमा परे भन्ने कुराको बिस्तृत विवरण आएको छैन।
