गजल

गजल
लेख्दा,लेख्दै नसक्की,मसी परदेशी भएको हुँ ।
दारी,जुँघाको रेखिनै,नबसी परदेशी भएको हुँ ।।

`बा´ ले हल गोरु,गैरी खेत बेच्दा`नी नपुगेपछी,
बेचेर खोरको बाख्रा, खसी परदेशी भएको हुँ ।।

संगैका साथी कलेज जाँदै थिए किताब बोकेर
छोडी स्याम,हरि,सिमा,शशी परदेशी भएको हुँ ।।

रुदै थिइन् चिच्याइ,चिच्याइ अन्तिम सम्म प्रिया,
आँसु पुछ्दै अंगालोमा, कसि परदेशी भएको हुँ ।।

रक्षा बन्दनमा बाँधी दिएको मेरि प्यारि दिदिले,
सम्हालेर हातको डोरि/,रसि परदेशी भएको हुँ ।।

विवेक बाँस्कोटा `प्रीतम ´