गजल

गजल
भेटिन्नन् एउटै चाहना यो भिड शहरमा
पाइन्न आत्मिय भावना यो भिड शहरमा ।।

साथी,भाइ ,इष्टमित्र देखावटी मात्रै सबै
गर्दैन कसैले कामना यो भिड शहरमा ।।

हराइरहेछ सबैमा मानवता दिनानुदिन
हुन्न कसैमा संवेदना यो भिड शहरमा ।।

जता हेर्यो जे मा पनि मिसावट मात्रै हुने
छैन केही मा शुद्धपना यो भिड शहरमा ।।

नयाँ भेट,नयाँ परिचय अनि आनिबानी
हुदैन कसैको सम्झना यो भिड शहरमा ।।

कमला न्याैपाने, झापा

हाल – भक्तपुर