Friday 13th June 2025

बंगलादेशमा डेंगीका कारण १८५ जनाको मृत्यु


एजेन्सी – बंगलादेशमा यस वर्ष डेंगीका कारण मृत्यु हुनेको संख्या १ सय ८५ पुगेको स्वास्थ्य सेवा महानिर्देशनालयले मंगलबार जनाएको छ । संक्रमितको संख्या ३५ हजार २ सय ७० पुगेको स्वास्थ्य मन्त्रालय अन्तर्गतको महानिर्देशनालयको तथ्यांकमा उल्लेख छ । गत सोमबारसम्मको तथ्यांकअनुसार यो महिनामा डेंगीबाट मृत्यु हुनेको संख्या १ सय ३८ पुगेको महानिर्देशनालयले पुष्टि गरेको छ । देशमा भारी मनसुन वर्षाले व्यापक रूपमा संक्रमण र अस्पतालहरू भरिंदा बंगलादेश घातक डेंगु प्रकोपसँग जुधिरहेको छ।

महानिर्देशनालयले सार्वजनिक गरेको तथ्यांकअनुसार गत महिना ५ हजार ९ सय ५६ जनामा डेंगीको संक्रमण देखिएको थियो । जुलाईको हालसम्म थप २७ हजार २ सय ९२ जनामा डेंगी देखिएको छ । यो अवधिमा ढाकामा १ हजार २ सय ३८ सहित दुई हजार २ सय ९३ जना नयाँ डेंगीका बिरामी फेला परेको बंगलादेशको स्वास्थ्य तथा जनसंख्या मन्त्रालयले जनाएको छ । यस वर्षको जनवरी १ देखि जुलाई २४ सम्म देशभरका विभिन्न अस्पतालबाट उपचार गराएर २७ हजार ६ सय २२ जना डेंगीका बिरामी घर फर्केका छन् ।

बंगलादेशमा डेंगीले महामारीकै रूप लिएपनि सरकारले आधिकारिक रूपमा महामारी घोषणा गरेको छैन । यसैबीच स्वास्थ्यविद्हरूले संक्रमणलाई नियन्त्रणमा लिन सरकारले महामारी घोषणा गर्नुपर्ने र रोकथामका लागि तत्कालै कदम चाल्नुपर्ने सुझाव दिएका छन् । साथै वरिष्ठ चिकित्सकसहित बंगलादेश मेडिकल एसोसिएसनले देशमा ‘स्वास्थ्य संकटकाल’ घोषणा गर्दै नयाँ कदम चाल्नका लागि सरकारलाई सुझाव दिएका छन् ।

अधिकारीहरूले भने कि यस वर्ष डेंगी रोगबाट मृत्यु दर ०.५३ प्रतिशत पुगेकत्र छ जुन गत वर्षको ०.४५ प्रतिशतको तुलनामा धेरै नै बढि हो । गतवर्ष बंगलादेशमा डेंगुबाट रेकर्ड २८१ जनाको मृत्यु भएको थियो।


सम्बन्धित शीर्षकहरु

अहमदाबाद विमान दुर्घटना: गृहमन्त्री अमित शाहले भने, "यात्रुका आफन्तको डीएनए नमूना लिइएको छ" गुजरातमा एयर इन्डियाको विमान दुर्घटनाग्रस्त भएपछि गृहमन्त्री…

इजरायलको अर्थतन्त्रको लचिलोपन बुझ्नको लागि, संकटको समयमा देशको सामना गर्ने क्षमतालाई प्रतिबिम्बित गर्ने वस्तुनिष्ठ तथ्याङ्क हेर्नुपर्छ। "फलामको तरवार" युद्धको सुरुवातमा,…

मुहम्मद युनुसको नेतृत्वमा रहेको बंगलादेशको अन्तरिम सरकारले विपक्षी दलहरू, निजामती कर्मचारीहरू, शिक्षकहरू र सेनासँग असन्तुष्टिको संकेतहरूको बीचमा तीव्र विरोधको सामना…

प्रतिकृयाहरू
...