यो डरलाग्दो आकडा कुवेत अप टु डेट ले प्रकाशित गरेको छ । गत सेप्टेम्बर २४ देखि ३० अर्थात एक सातामा १८४२ सवारी दुर्घटना हुनु सामान्य कुरा हैन । ट्राफिक प्रहरी कारबाहीको संख्या हेर्ने हो भने तपाईलाई अचम्म लाग्न सक्छ किनभने यस वर्ष प्रहरीले २६ हजार १ सय ७३ जना सवारी चालकहरुलाई कारबाही स्वरुप जरिवाना पनि गरेको छ र ४३ सवारी साधन र ७९ वटा मोटर साईकल जफत समेत गरेको छ ।
अझ अचम्म के भने लाईसेन्स लिने उमेर नपुगेका ३२ जना नाबालिकलाई यसविच सवारी चलाए बापत पक्राउ समेत गरेको छ । फेरी पनि त्यति ठुलो संख्यामा सवारी दुर्घटनाले पनि यहाँ रहेको सवारी संख्याको चापलाई नै मुख्य कारण मान्न पर्दछ । सडकको क्षमता भन्दा धेरै सवारी साधन कुवेतमा दर्ता छन । यसलाई न्युनिकरण गर्नका लागि लाईसेन्समा समेत यहाँको सरकारले धेरै कडाई गरेको छ ।
