तीतोपाटी डटकम-कुवेत नेपाल सिधा उडान गर्दै आएको अलजजिराले नेपालबाट कुवेतका लागि यात्री उठाउने गरी किन अनुमती मागेको छैन भन्ने चासो बढेको छ । नेपाली राजदुतावासले यस सम्बन्धमा चासो दिएर सम्बन्धित विमान कम्पनीहरुसँग कुरा अघि बढाउन जरुरी छ । भारतबाट कुवेत प्रवेश पाउने कोटा छुट्याई सके पनि नेपालबाट यात्री ल्याउने सम्बन्धमा कुनै पनि विमान सेवाले माग नगरेको समाचारमा उल्लेख छ ।
कुवेतमा काम गर्ने नेपाली कामदार नेपालमा लामो समय देखि फसेका छन र घर विदामा जानेहरु पनि दोहरो उडान अनुमति पर्खिएर बसेका छन । रेडजोनमा परेका देशहरुलाई कुवेत सरकारले हरियो बत्ति बालिसक्दा पनि अहिलेसम्म कुने विमान कम्पनीले नेपालका लागि अनुमती माग गरेका छैनन । कुवेत बेस अल जजिरा एक मात्र विमान कम्पनीले नेपाल कुवेत सिधा उडान गर्दै आएकोमा हालसम्म उसले पनि नेपालको लागि नियमित रुपमा दोहरो उडान गर्ने सम्बन्धमा कुवेत सरकारसँग माग गरेको छैन ।
अब का १० दिन भित्रमा उडान गर्ने गरी कुवेत सरकारले तयारी गरेको भए पनि नेपालका लागि कहिलेबाट व्यवसायिक उडान शुरु हुने भन्ने कुरा अन्योलमा नै छ । कुवेतबाट नेपाल जानका लागि भने एयर अरेविया, कतार र अलजजिराले एकतर्फी उडान गर्दै आर्ईरहेका छन । प्रतिवन्धित देशहरु मध्ये ईजिप्ट कुवेतको उडान सुचारु भईसकेको छ भने भारतको तर्फबाट ३० सेप्टेम्बर सम्म लाई थुप्रै देशका लागि व्यवसायिक उडान रोक्ने निर्णय गरेको छ । कुवेत एयरवेजले भने भारत, बंगलादेश, पाकिस्तान र श्रीलंकामा नियमित उडानका लागि एभिएसनसँग माग गरिसकेको छ ।
यसै बीच एक ताजा खबर अनुसार ईन्डियाका लागि कुवेतले कोटा तोकेको छ । त्यहाँबाट एक सातामा मात्र ७६० जनाले कुवेतका लागि यात्रा गर्न पाउनेछन । त्यसमध्ये आधा कुवेती विमानले र आधा ईन्डियन विमानले सीट पाउने भएका हुन । कुवेतले पाउने ३८० कोटामा कुवेत एयरवेज ले २३० सीट र अलजजिरा का लागि १५० सीट बाडि दिएको छ । भने ईन्डियन एभिएसन मार्फतका विमानले पनि ३८० सीट पाउने भएका छन । कुवेत ले दैनिक ५ हजारलाई प्रवेश दिने नीतिलाई परिमार्जन गरेर अहिले विश्वभर बाट गरी १० हजारलाई दैनिक प्रवेश दिने बताएको छ ।
कुवेतमा कोभिड को संक्रमण लगभग नियन्त्रण हुने स्थितीमा छ । हिजो मात्रको तथ्यांक लाई हेर्ने हो भने १२५ जना मात्र संक्रमित थपिएका छन । यो तथ्यांक यस बर्षकै कम्ती हो । कयौ अस्पतालमा संञ्चालित कोभिड वार्डहरु पनि बन्द गरिएका छन । एक समाचार अनुसार आउदो अक्टोवरको शुरुबाट कुवेतमा सवै कुरा सामान्य अवस्थामा पुग्ने विश्वास गर्दै कुवेत सरकारले फूटवल मैदानमा खेल हेर्न, विवाह समारोह गर्न र दिवानियामा हुने जमघट जस्ता कुराहरुलाइ पनि अनुमति दिने भएको छ ।
यसरी नै भारतीय कामदार कुवेतमा ल्याउने सम्बन्धमा पनि कुवेत र भारत बीच एउटा सहमती भएको छ । लामो समय देखि भारतले मजदुरको पारिश्रमिकको विषयलाई लिएर भिषा ईश्यु गरेको थिएन । हालैको सहमती अनुसार अब कम्तिमा ११० केडी दिन पर्ने उल्लेख छ ।
