-माधव पाैडेल “असल यात्री”
कोल्टे फर्दै फर्दै
अाधारात बितिसकेछ ।
मनमा कौतहलता ,देशको चिन्ता,
सम्झना बारम्बार अाइरहन्छ
बिचरी तिनी बलात्कृत अबोध १३ बर्षे बालिका
अनि देश निर्माणमा तल्लिन
ती कानुनका निर्माताहरु ।
सम्झन्छु अाज प्रतिपक्षमा बस्दा
बलात्कारीलाई मृत्युदन्डको सजायको माग राख्ने
त्यो कालो काङ्ग्रेसलाई ।
अाज सदनमा राखेको मागलाई
ह्रदय बिस्याउदै स्वागत गर्छु ।
तर धिक्कार
२००७ सालमा नै यस्तो कानुनको ब्यबस्था गरिदिएको भए
न त निमिता सुनिताको नै पोखरा मा हत्या हुने थियो
न त कयौं अबोध चेलिहरु बलत्कृत हुनु पर्थ्यो ।
अाफ्नो क्षणिक यौवनको प्यास मेटाउन
बालबालिकाहरूलाई खेलौना बनाउने
नरपिचाशको लागि
सिधै फासीको सजाय हुने
कानुन बनाउन कसले रोक्छ सरकार ?
प्रश्न गर्न मन लाग्छ सरकार संग ।
के नेपालको कानुन कट्टर बनाउन
कुन भगवानले रोक्छ
कि कुन महमदले
कि कुन परमेशवरले रोक्छ ।
यसको जवाफ होला त सरकार संग,
सायद नहोला दुर्इ तिहार्इ
नसाको मातमा मात्तिएरै भएपनि
बिन्ति यो देशका घुसखोरी कर्मचारी,
भ्रष्टाचारी नेता र बलात्कारीलाई
सिधै फाँसी हुने कानुन बनाउन
तत्काल संसदमा संशोधन प्रस्ताव ल्याइयोस् ।
