तितोपाटी- कुवेतका लागी नेपाली राजदूत दुर्गा प्रसाद भण्डारी र कुवेत सरकारका प्रोटोकोल मामिलाका लागि सहायक विदेश मंत्री महामहिम धारी अजरान अल-अजरान बिच हिजो २८ तारिकको दिन कुवेतस्थित परराष्ट्र मन्त्रालयमा भेटवार्ता सम्पन्न भएको छ।
भेटका अवसरमा नेपाल तथा कुवेतमा कोभिड-१९ को वर्तमान अवस्था, र यसले पारेका असर, नेपाली कामदारहरूको हकहित लगायत नेपाल र कुवेतबीच आपसी सहयोग अभिवृद्धिका विविध विषयमा कुराकानी भएको दूतावासले जनाएको छ।
सो अवसरमा उनले दुई राष्ट्रबीचको सम्बन्धलाई थप मजबुत बनाउनुपर्नेमा जोड् दिएका थिए । उक्त भेटवार्तामा कुवेत सरकार परराष्ट्र मन्त्रालय तथा नेपाली राजदूतावासका अन्य अधिकारीहरूको पनि सहभागिता रहेको थियो ।
