प्यारी आमा तिमी जिम्मेवारी काधँमा बोकेर हिड्छ्यौ ,
घाँस दाउरा गरी बच्चा पनि स्याहार गर्दै छोपेर हिड्छ्यौ ,
तिम्रो मिठो माया अपार छ, मान्नुपर्छ तिमीलाई आमा,
हरेक चोट सहेर पनि आफ्नो खुसि सबै पोखेर हिड्छ्यौ ।।
(१)
पीडाहरुलाई भुलेर रमाउन खोजे पनि ,
मायाको हात सधैँ समाउन खोजे पनि ,
सोचे जस्तो कहिल्यै हुँदो रहेनछ जिन्दगीमा,
दु:खेको मनलाई थमाउन खोजे पनि ।।
(२)
समान व्यवहार गरेपछि बन्छन् सबै मित्र,
बाहिर ठिक्क पारेर कुरा काट्छन् धेरै भित्र,
सबैको उस्तै नहुने रैछ व्यवहार अनि बुद्धि पनि,
जसले कर्म गर्छ उसको बन्छ जीवन नयाँ चित्र ।।
(३)
प्रकृतिको साथमा रमाउन खोजे पनि,
छुट्टै संसार आफ्नो बनाउन खोजे पनि,
चाहेर मात्र हुँदैन आफ्नो स्थिति हेर्नुपर्छ,
जीवन लक्ष्य अनुसार चलाउन खोजे पनि ।।
(४)
गरिबलाई त नहेरी हिँड्छन् यहाँ,
आफ्नो मात्र पर्बाह गरी भिड्छन् यहाँ,
स्वार्थी यो दुनियाँ यस्तै छ के गर्नु,
राम्रो गर्नेलाई उस्तै परे गिँड्छन् यहाँ ।।
(५)
-रिता खराल , रुपन्देही
