नेपालमा पछिल्लो २४ घन्टामा सात हजार दुई सय २६ जना कोरोना संक्रमणमुक्त भएका छन् । स्वास्थ्य तथा जनसंख्या मन्त्रालयले बिहीबार साँझ सार्वजनिक गरेको विवरणअनुसार ६ हजार नौ सय ३९ संक्रमित थपिँदा सात हजार दुई सय २६ जना संक्रमणमुक्त भएका छन् ।
हालसम्म देशभर कोरोना संक्रमितको संख्या पाँच लाख ४२ हजार दुई सय ५६ पुगेको छ । जसमध्ये एक लाख १६ हजार चार सय ७६ सक्रिय संक्रमित छन् ।पछिल्लो २४ घन्टामा कोरोना संक्रमणका कारण एक सय ६ जनाको मृत्यु भएको छ । योसँगै नेपालमा कोरोना संक्रमणका कारण मृत्यु हुनेको संख्या ६ हजार नौ सय ५१ पुगेको छ ।
