तीतोपाटी – कुवेत सरकारले ईदको पहिलो दिनबाट आंशिक कर्फ्यू खारेज गर्ने निर्णय गरेको छ। प्रधानमन्त्री शेख सवाह अल खालेदको नेतृत्वमा बसेको मन्त्रीपरिषदको बैठकले सो निर्णय गरेको हो । यस अघि कोरोना विशेष समितिले कर्फ्यू हटाउनको लागि मन्त्रीपरिषदमा शिफारिस गरेको थियो ।
दइ महिना भन्दा लामो समयदेखि जारी आंशिक कर्फ्यू खारेज गरिएको बारे कुवेत स्थित अल कबास दैनिक, अरबटाइम्स लगायतले समाचार प्रकाशित गरेका छन् । अल कबास दैनिकमा प्रकाशित समाचारका अनुसार काउन्सिलले चाँडै नै हुक्का क्याफे बाहेक धेरैजसो गतिविधि र रेष्टुरेन्टहरू खोल्ने सहित विभिन्न प्रकारका निर्णयहरू लिनेछ।
अरब टाइम्समा प्रकाशित समाचार अनुसार स्वास्थ्य मापदण्ड पुरा गरेर रेस्टुरेन्ट, क्याफे, मर्मत सेवाहरू, फार्मेसीहरू, किराना किराना पसल र चिकित्सा आपूर्ति लगायतका क्षेत्र खुला गरिने छ भने अन्य सबै वाणिज्यिक गतिविधिहरू भेन बेलुकी ८ बजेदेखि बिहान ५ बजे सम्मका लागि बन्द रहनेछन् ।
