तितोपाटी – भारतको राजस्थानस्थित अलवरमा एक सात महिने दुधे बालिकामाथि दष्कर्म गरेको मामलामा अलवरको विशेष अदालतले आरोपी पिन्टु भराडालाई मृत्युदण्डको सजायँ तोकेको छ ।
विशिष्ट न्यायाधिस जगेन्द्र अग्रवाल आरोपीलाई घटनाको दुई महिना ११ दिनमा सजायँ सुनाएका हुन् ।
भारतको केन्द्र सरकारको तर्फबाट पोक्सो एक्टमा हालै गरिएको नयाँ संशोधनपछि १२ वर्षभन्दा कम उमेरका बालिकामाथि दुष्कर्म गर्नेलाई फाँसीको प्रावधान छ ।
दृष्टिविहिन काकीको काखबाट बच्चालाई खोसेर लगेः
गत मे १० तारिखमा १९ वर्षे पिन्टु भराडाले बालिकालाई दृष्टिविहिन काकीको काखबाट खोसेर लगेका थिए । पछि उनले गाउँको जोहड नजिकै गएर बालिकामाथि दुष्कर्म गरे र खुल्ला चौरमा फ्याँकिदिए ।
घटनाबारे थाहा पाएपछि गाउँलेले उनीमाथि कुटपिट गरेर पुलिसलाई सुम्पिएका थिए । घटना हुँदा पीडित बालिकाकी आमा पानी लिन गएकी थिइन् ।
