कुहिरोमा हराएको काग जस्तो जिन्दगी ,
बाटो हराएको पदयात्री जस्तो जिन्दगी ।
सपनिको भ्रममा अल्झिएको जिन्दगी ,
लक्षबिन्दु हराएको खै कस्तो जिन्दगी ।।
मानिसहरुको भिडभित्र एकलो जिन्दगी ,
झिलिमिली शहरमा अँध्यारो जिन्दगी ।
खोलाको वगर जस्तो उराठ जिन्दगी ,
नितान्त वेसहारा खै कस्तो जिन्दगी ।।
मृदुलता विनाको खस्रो निरस जिन्दगी ,
लक्ष्य विना पथभ्रष्ट भएको जिन्दगी ।
अङ्ग भएर पनि अपाङ्ग जस्तै जिन्दगी ,
प्रेरणा बिनाको खै कस्तो जिन्दगी ।।
इन्द्र बोन्तावा ” देवा “
