निःश्वार्थी, विश्वासिलो हुन्छन् इमान्दार हजुर ।
राम्रो पेशा मध्ये एउटा लाग्छ पत्रकार हजुर ।।
व्यक्ति, समाज, सिङ्गो देश, अन्तर्राष्ट्र विश्वको नै,
सत्य खबर जनता माझ ल्याउने बारम्बार हजुर ।
जहाँ पुग्छन् जे जे देख्छन् त्यही कुरा टप्प टिपी,
अति छिटो फिँजाउँछन् बनाइ अखबार हजुर ।
सबुत प्रमाण जुटाएर, यथार्थ बाहिर ल्याउन,
अहोरात्र खटिरहन्छन्, भइ जिम्मेवार हजुर ।
पत्रकारिता नै देशको, मानिने यो चाैथो अङ्ग,
बनि हिड्छन् राष्ट्र प्रति सधैं बफादार हजुर ।
-प्रतिमा शिवाकोटी
कालिन्चोक गाउँपालिका – ८
सुनखानी दोलखा
बागमती प्रदेश
