कस्तो हो? यहाँ के हुन खोजेको?
किसान धरधरी रोएको पाइयो
मरी सकेको राजतन्त्रलाई उठाउन
हजारौं मान्छे रोडमा देखियो
भाडाका मानिस भए पनि
जनसागर बनाइयो
आफ्नो आफ्नो तागत
यहाँ सबैको भेटियो।
अनि,
सरकारलाई तागत देखाउन
प्रतिपक्ष सडकमा उत्रियो
अस्ति भर्खर आफ्नो नेता
कुटेको भनी कुर्लियो ।
रोडमा अब उर्ली रहने रे
उता संसद भवनका राजाहरू
आफ्नो लडाइँ लडि जो रहेका छन्
जसरी हो,आफ्नो पोजिसन खोज्दै छन् ।
तर
उठिबास भएर काठमाडौं
गएका किसानको माग
कसले तताउने थाहा भएन
कसलाई सोध्ने कता जाने बाटो भएन ।
राम राज्य रोजेका किसान
रावण् राज्य भित्र फस्दै छन
यहाँ किन? सधै किसान मर्कामा पर्दैछन्
यहाँका रावण किसानलाई रोडमा लतार्दे छन् ।
अनि अचम्म,
हिजो पोइला गएकी विधेयक
आज फेरि फर्किन्छन् त
के रमाइलो गर्छौ बुद्धि न शुद्धि
जसरी नी देश लुट यसैमा तिमी खुसी।
नारायण कोइराला
तान्सेन, पाल्पा
हाल – यूएई ।
