तिमीसँगै प्रित गाँसी शहरमा डुल्न मन छ ।
मनको भारी बिसाएर पिर ब्यथा भुल्न मन छ ।।
जोडी ढुकुर कुर्लिए झैं वर पिपलको छहारीमा
तिम्रो काखमा निदाएर दायाँबायाँ झुल्न मन छ ।।
तिम्रै नामको मेहेन्दी लगाएर हराभरा भई
त्यो मनको बगैँचामा गुलाफ झैं फुल्न मन छ ।।
बाँच्नु पर्छ हाँसी खुशी दुनिया रंगीन बनाउदै
शरद मासमा बिहानीको आकाश झैं खुल्न मन छ ।।
मनमुटु समर्पित गरें चोखो माया गाँस्नलाई
जिन्दगी नै धितो राखी साँवा ब्याज असुल्न मन छ ।।
-धर्मिला कार्की
इनरुवा-६ , सुनसरी
हाल: महाराजगञ्ज, काठमाडौँ
