तितोपाटी – पाकिस्तानको बलोचिस्तान तथा पेसावरमा शुक्रबार गराइएका छुट्टाछुट्टै आत्मघाती विस्फोटमा परी एक उमेदारसहित ८५ जनाको मृत्यु भएको छ । १ सय ५० भन्दा बढी घाइते भएका अधिकारीहरूले जनाएका छन् ।
बलोचिस्तान प्रान्तको चुनावी र्यालीमा भएको बम आक्रमणमा बलोचिस्तान अवामी पार्टी (बीएपी) का उम्मेदवार नवाबजादा सिराज रैसानी मारिएका हुन् । पाकिस्तानमा यही जुलाई २५ मा आमनिर्वाचन हुँदै छ । रैसानी बीएपीका तर्फबाट मास्तुङका उम्मेदवार थिए । अधिकारीहरूले घाइतेहरूको क्वेटा सिभिल अस्पतालमा उपचार भइरहेको जनाएका छन् । यसअघि पाख्तुंखवा प्रान्तमा गरिएको आक्रमणमा ११ जना घाइते भएका थिए ।
पाकिस्तानमा आसन्न निर्वाचनको प्रचारप्रसारका लागि आयोजित र्यालीका सहभागी लक्षित आक्रमणमा हालैका दिनमा वृद्धि भएको अधिकारीहरूले जनाएका छन् । ‘बलोचिस्तान घटनामा परी कम्तीमा ३३ को मृत्यु भएको छ, मृत्यु हुनेको संख्या बढ्न सक्ने भएकाले हामी चिन्तित छौं,’ प्रान्तीय गृहमन्त्री अघौमर बुंगाल्जाईले भने ।
