दसैंमा आमा आँशुका दाना, झारेर नबस्नु ।
सन्तानको नाउँमा हजार फूल, सारेर नबस्नु, ।।
लेक र वेसी गुञ्जाउँदा खुशी, सामेल हुनु है
कोमल त्यो मन र मुटु अचानो,पारेर नबस्नु, ।।
आशिर्वाद थाप्न भनेर आमा सपनीमा आउँदा,
नजर तिम्रा आँशुले आमा, बारेर नबस्नु ।।
साहुको तमसुक आएर आमा च्यात्नु छ हामीले,
पौरखी हामी छोराकी आमा हारेर नबस्नु, ।।
आउने छु आमा लिएर एकदिन सुनौलो संसार
मनका इच्छा, चाहना आमा, मारेर नबस्नु ।।
उहि छोरा के.पि.न्यौपाने
हालः युएइ क्वारेन्टिन
