भक्तपुरमा बाढीपहिरोले तीन जनाको मृत्यु भएको छ । पहिरोले टहरा भत्काएपछि एकैघरका तीनजनाको मृत्यु भएको प्रहरी उपरीक्षक हिमालयकुमार श्रेष्ठले जानकारी दिए ।
वृद्ववृद्वा र नातिनीको मृत्यु भएको श्रेष्ठले जानकारी दिए । वृद्ववृद्वाका छोराबुहारी भने नयाँ घरमा बस्ने गरेकाले सुरक्षित रहेको प्रहरीले जानकारी दिएको छ । मृतकको नाम ठेगान खुल्न नसकेको र केही समयपछि विस्तृत विवरण आउने प्रहरीले जानकारी दिएको छ ।
भक्तपुरका विभिन्न क्षेत्रमा डुबान भएको छ ।
मनोहरा खोलालगायत अन्य स्थानीय खोलामा समेत बाढी आएपछि स्कुल तथा बस्ती डुबानमा परेका हुन् । डुबानमा परेका करिब चार सय जनालाई प्रहरीले उद्वार गरेको छ ।
अहिले डोजरले पानी कटाउने काम गरिरहेको छ भने उद्वार कार्य जारी रहेको छ ।
यो पनि
खोलामा आएको बाढीका कारण भक्तपुरका बस्ती डुबानमा परेका छन्। मनहरा र हनुमन्ते खोलामा आएको बाढीका कारण खोला आसपासका बस्ती डुबानमा परेका हुन्।
इमाडोल र टिकाथलीका बस्तीमा पनि बाढी पस्ने खतरा देखिएको छ। बाढीले छाप्राहरू र विभिन्न सामान बगाएर ल्याएको छ।
नरेफाँटस्थित लालीगुराँस बोर्डिङ स्कुल डुबानमा छ। विद्यालय डुबानमा परेपछि सामानहरू सुरक्षित स्थानमा सारिँदैछ। विद्यार्थीहरूको परीक्षा समेत बाढीका कारण रोकिएको छ।
