झुट्टा सपना दिएर जन को बुद्धी भुटेर खाए ।
खै काम त के नै गरेर खाली गफै चुटेर खाए ।।
मैंले चिन्न पनि छाडिसकें नेताहुन् यिनिहरु?
मागे,तर्साए अनि धम्क्याए कहिं कुटेर खाए ।।
उनीहरु बिच ठूलो भिन्नता भए जस्तै पारेर
पर्दा भित्र सगोलमा बाहिर सबै फुटेर खाए ।।
अर्को मौका पाउने बित्तिकै हातेमालो गरेर
आवरण झिकेर फेरि एकैठाउँमा जुटेर खाए ।।
अरु त के कुरा सबै द्वेष बिर्सिएर हत्तपत्त
आफ्नालाई आफ्नोे नभनेर पुनः लुटेर खाए ।।
-राम भण्डारी
सिन्धुपाल्चोक
हालः काठमाडाैं ।
