झोक चलेर आउँछ बिहानै सुरा लगाईदिउँ ।
सुन्ने कोहिछन् भने यिनका कुरा लगाईदिउँ ।
लाज लाग्दैछ यिनिहरु को लाछीपन देखेर
च्याप्प समातेर दुवै हातमा चुरा लगाईदिउँ ।
चाहिने सँग सँगै दिन्छ फाईदा र हानी दुबै ।
नाई कसैलाई भनिदैन जानी र सानी दुबै ।
कसलाई सम्झाउनु सबैले बुझेकै हुनुपर्छ ।
नभै नहुने,भए दुख दिने पानी र रानी दुबै ।
हात जोडी माफि माग्न पनि नमिल्ने ।
धर्ति छोडी टाढा भाग्न पनि नमिल्ने ।
यो कस्तो माहामारी पठायौ भगवान
रिसले चुर हुँदै जाइलाग्न पनि नमिल्ने ।
पारी डाँडाबाट काठमाडौंमा रेल ल्याउने रे ।
फेरि मेलम्ची बाट पानीको भेल ल्याउने रे ।
अब ढोका खुल्यो क्यारे हाम्रो समृद्धिको
ग्याँस पाईप घरघरै पाईपमै तेल ल्याउने रे ।
-राम भण्डारी
सिन्धुपाल्चोक
हालः काठमाडाैं ।
