भारतको जम्मू–कश्मीर राज्यको राजधानी श्रीनगरमा वरिष्ठ पत्रकार तथा राइजिङ कश्मीरका सम्पादक शुजात बुखारीमाथि गोली हानी हत्या भएको छ । आफ्नो
कार्यालयबाट निस्कँदै गर्दा बुखारीमाथि गोली प्रहार भएको इन्डिया टुडेले जनाएको छ ।
चार जनाको समूहमा रहेको आतंकवादीले बुखारी चढेको गाडीमाथि अन्धनधुन्ध गोली प्रहार गरेका थिए । बुखारीसँगै उनको गाडीमा रहेका अन्य दुई जना गम्भीर घाइते भएको बताइएको छ । पत्रकार बुखारीसँगै उनका पीएसकाे पनि मृत्यु भएकाे छ ।
राइजिङ कश्मीरका सह–सम्पादक इश्फाक नसीमले बुखारीको मृत्यु भएको पुष्टि गरेका छन् । जम्मु कश्मीरकी मुख्यमन्त्री महबूबा मुफ्तीले बुखारीकाे हत्या भएकाे खेद प्रकट गर्दै दु:ख व्यक्त गरेकी छिन् ।
