तीतोपाटी-नेपाल सनातन धर्म संस्कृति संगठनले हेलिकप्टर दुर्घटनामा निधन भएका संस्कृति, पर्यटन तथा नागरिक उड्डयनमन्त्री रविन्द्र अधिकारीको मृत्यु संस्कार १३ दिन गर्न परिवारसँग अनुरोध गरेको छ ।
संगठनले विज्ञप्ति जारी गरेर मन्त्री अधिकारीको मृत्यु संस्कार १३ दिन गर्न अनुरोध गरेको हो । अधिकारीका परिवारले सात दिनमा मृत्यु संस्कार सक्ने तयारी गरेको समाचार आइरहेका बेला संगठनले यस्तो अनुरोध गरेको हो ।
ताप्लेजुङको सिस्नेभीरमा गएको बुधबार हेलिकप्टर दुर्घटना हुँदा मन्त्री अधिकारीसहित सातजनाको निधन भएको थियो । मन्त्री अधिकारीको शुक्रबार पोखरामा अन्तिम संस्कार भयो ।
यस दुःखद घडीमा सञ्चारमाध्यममा मन्त्री अधिकारीको काजकिरियाको प्रक्रिया ७ दिन मै सकिने भनि पारिवारिक स्रोतलाई उद्धृत गर्दै आएको समाचारप्रति संगठनको ध्यानाकर्षण भएको उल्लेख छ ।
