कुवेतमा रहेका नेपालीहरूको संस्था बिश्वकर्मा एकता समाज नेपाल कुवेतको पहलमा नेपाल सरकारको प्रधानमन्त्री दैवी प्रकोप उद्धार कोषमा आर्थिक सहयोग पठाइएको छ।
प्राप्त विवरणअनुसार, कुवेतको फरवानिया शाखामार्फत ११ सेप्टेम्बर २०२६ मा १०५ कुवेती दिनार (KWD) बराबर नेपाली रुपैयाँ ५१ हजार ७६६ पठाइएको हो। उक्त रकम प्रधानमन्त्री दैवी प्रकोप उद्धार कोष (Prime Minister’s Disaster Relief Fund) को खातामा जम्मा गरिएको छ।
रसिदमा उल्लेख भएअनुसार, रकम ग्लोबल आईएमई बैंक लिमिटेडको प्रधान कार्यालयमा रहेको कोषको खातामा पठाइएको छ। बिश्वकर्मा समाज नेपाल कुवेतले बाढी तथा प्राकृतिक विपद्का कारण प्रभावित नागरिकहरूको राहत तथा पुनर्स्थापनामा सहयोग पुर्याउने उद्देश्यले उक्त रकम संकलन गरी पठाएको जनाएको छ।
विदेशमा रहेका नेपाली समुदायले विपद्का समयमा मातृभूमिप्रति देखाएको सहयोग र ऐक्यबद्धताले राहत अभियानलाई थप सशक्त बनाएका छन् ।
