कुवेत स्थित मेचिकाली समुह कुवेतबाट नेपालस्थित प्रधानमन्त्री दैवी प्रकोप उद्धार कोष मा आर्थिक सहयोग पठाएको छ।
Al Muzaini Exchange मार्फत गरिएको रकम स्थानान्तरण अनुसार नेपाली रुपैयाँ ५०,१०३ रुपैयाँ प्रधानमन्त्री दैवी प्रकोप उद्धार कोषको खातामा पठाइएको रसिदमा उल्लेख छ। उक्त रकम पठाउन संस्थाको अक्षयकोषबाट कुवेती दिनार १०१.६२५ KWD खर्च गरिएको हो।
विदेशमा रहेर पनि मातृभूमिप्रति जिम्मेवारी निर्वाह गर्दै प्राकृतिक विपत्ति तथा आपत्कालीन अवस्थामा राहत कार्यमा सहयोग पुर्याउने उद्देश्यले रकम पठाइएको जनाइएको छ।
हालैका प्राकृतिक विपत्ति र आपत्कालीन अवस्थाका बेला प्रवासी नेपालीहरूबाट राहत तथा उद्धार कोषमा सहयोग जुट्ने क्रम जारी रहेको छ। यस सहयोगले प्रभावित समुदायको राहत तथा पुनःस्थापनामा सहयोग पुग्ने अपेक्षा गरिएको छ।
