Wednesday 18th November 2026

रसुवा बाढी–पहिरो पीडितका लागि नेपाल तामाङ घेदुङ कुवेतद्वारा रु. ५ लाख ५५ हजार ५६१ सहयोग


रसुवा जिल्लाको भोटेकोशीदेखि त्रिशूली नदीसम्म भदौ १० गते आएको भीषण बाढी तथा पहिरोबाट प्रभावित परिवारहरूको राहत तथा पुनःस्थापनाका लागि नेपाल तामाङ घेदुङ कुवेतले रु. ५ लाख ५५ हजार ५६१ आर्थिक सहयोग प्रदान गरेको छ।

प्राकृतिक विपत्तिबाट ठूलो मानवीय तथा भौतिक क्षति भएको घटनाप्रति गहिरो दुःख व्यक्त गर्दै घेदुङ कुवेतले मृतकहरूप्रति श्रद्धाञ्जली अर्पण गरेको छ भने शोकसन्तप्त परिवारजनप्रति हार्दिक समवेदना व्यक्त गरेको जनाएको छ। साथै घाइते तथा प्रभावितहरूको शीघ्र उद्धार, राहत र पुनःस्थापनाको कार्य प्रभावकारी रूपमा अगाडि बढोस् भन्ने कामना पनि गरिएको छ।

विपद्को कठिन घडीमा पीडित नागरिकहरूसँग ऐक्यबद्धता जनाउँदै संकलित सहयोग रकम केन्द्रीय नेपाल तामाङ घेदुङको खातामा जम्मा गरिएको घेदुङ कुवेतले जनाएको छ। उपलब्ध बैंक भुक्तानी रसिदअनुसार माछापुच्छ्रे बैंक लिमिटेडस्थित नेपाल तामाङ घेदुङ संघको खातामा रु. ५,५५,५६१ जम्मा गरिएको देखिएको छ।

घेदुङ कुवेतका अनुसार केन्द्रीय घेदुङले प्रभावित क्षेत्रमा प्रत्यक्ष समन्वय र निगरानी गर्दै उक्त सहयोग रकम वास्तविक पीडित परिवारहरूमाझ वितरण गर्नेछ।

नेपाल तामाङ घेदुङ कुवेतले प्राकृतिक विपत्तिको यस दुःखद घडीमा प्रभावित नागरिकलाई सहयोग गर्नु सामाजिक तथा मानवीय दायित्व भएको उल्लेख गर्दै स्वदेश तथा विदेशमा रहेका सम्पूर्ण नेपाली समुदायलाई समेत पीडित परिवारहरूको सहयोगमा हातेमालो गर्न अपिल गरेको छ।

यस मानवीय अभियानका लागि सहयोग गर्ने सम्पूर्ण दाताहरू, शुभेच्छुकहरू तथा तामाङ समुदायप्रति घेदुङ कुवेतले विशेष धन्यवाद व्यक्त गरेको छ।


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...