कुवेत — प्रवासी नेपाली मञ्च, राष्ट्रिय कमिटी कुवेतले आफ्नो पाँचौं अधिवेशन आगामी २१ अगस्ट २०२६, शुक्रबार आयोजना गर्ने भएको छ। फर्वानियास्थित सेफ नौसाद सिग्नेचर रेस्टुरेन्टको सभाहलमा सम्पन्न गरिने अधिवेशन मध्याह्न १:०० बजे सुरु हुनेछ। कार्यक्रममा नेकपा एमालेका केन्द्रीय नेताहरू क्षितिज थेबे र रबिन्द्र अधिकारीको आतिथ्यता रहने आयोजकले जनाएको छ।
प्रवासी नेपाली मञ्च, कुवेतका अनुसार अधिवेशनको सम्पुर्ण तयारी पुरा भएको साथै अधिवेशनमा संगठनको आगामी कार्यदिशा, नेतृत्व चयन तथा प्रवासी नेपाली समुदायसँग सम्बन्धित विभिन्न विषयमा छलफल हुने जानकारी प्राप्त भएकोछ।
अधिवेशनको लागि मञ्चले नेपाली राजदूतावास कुवेत लगायत कुवेतमा कृयासिल संघ संस्था, मिडियाकर्मी, समाजसेवी, वुद्धिजीवि एवं कुवेतवासी सम्पुर्ण नेपालीहरूमा निमन्त्रणा पठाइ सकिएको जनाउँदै निमन्त्रणा प्राप्त नभएको भए पनि यसै समाचारलाइ निमन्त्रणा मानी अधिवेशन कार्यक्रममा उपस्थित भइ कार्यक्रमको शोभा बढाइ दिन सबैमा हार्दिक अनुरोध गरेको छ ।
