तितोपाटी-अखिल नेपाल फुटबल संघ (एन्फा) र महिला फुटबल टिमका प्रमुख प्रशिक्षक प्याट्रिक डे वाइल्डबीच बिबाद झन् बढेको छ । एन्फाले आज एक पत्रकार सम्मेलन गर्दै प्रशिक्षकाका कारण एसिया क्वालिफायर्समा भएको कप्तानीबारे भद्रगोल भएको बताएको छ । प्याट्रिकले हालै एक अन्तरवार्तामा एन्फाप्रति तीव्र असन्तुष्टि पोखेका थिए । एन्फाले खेलाडीलाई न्यूनतम सुविधा र पूर्वाधारसमेत नदिएको आरोप लगाउँदै आफू टिमबाट अलग हुने संकेत गर्दै प्याट्रिकले हालै एक अन्तरवार्तामा एन्फाप्रति तीव्र असन्तुष्टि पोखेका थिए । फल स्वरूप एन्फाले आज पत्रकार सम्मेलन गरेको हो । एन्फाको तर्फबाट उज्वेकिस्तान गएको टोलीकी हेड अफ डेलिगेट्स सरिला श्रेष्ठ जानकारी गराउदै प्रमुख प्रशिक्षकले अन्तिम क्षणसम्म पनि कप्तानीबारे निर्णय नसुनाउँदा अन्योल भएको बताएकी छिन ।
पत्रकार सम्मेलनमा महिला टिमकी हेड अफ डेलिगेट्स सरिला श्रेष्ठ दिएको सम्क्षित जानकारी यस्तो छ । ‘हामीले टिमको विदाइ कार्यक्रममै क्याप्टेन घोषणा गरौं भनेका थियौं । हेड कोचले अहिले नगर्ने, अन द स्पोट गर्ने भन्नुभयो । हामी ओके भयौं । कुनै नाइनास्ती गरेनौं । उहाँले ९० मिनेटभन्दा अगाडि दिन सक्दिनँ भन्नुभयो । नत्र तिमीहरुले फ्ल्यास गर्छ भन्ने उहाँको कुरा थियो । यता एएफसीबाट म्याच कमिसनरले नेमलिस्ट चाहियो भनिरहेका थिए टाइम पनि मेन्सन गरेर । ९० मिनेटभन्दा ५ मिनेट अगाडि बल्ल हेडकोचले नेमलिस्ट दिनुभयो । उक्त नेमलिष्टमा क्याप्टेनको नाम मेन्सन थिएन इन्ट्री हुने टाइममा म्याच कमिसनर ल्यापटप लिएर कुरेर बस्नुभएको थियो । हेडकोचले कुनै जानकारी नदिए पछी सबैभन्दा सिनियर रेनुका नगरकोटीको नाम हामीले कप्तान भनेर मेन्सन गर्यौं । त्यसपछि बल्ल पास भयो । कप्तानलाई आम ब्यान्ड लगाउने बेला भयो । ‘प्रे’ गर्ने बेलामा मात्र बिन्दा म्यामले रेनुकालाई आर्मब्यान्ड लगाउन बोलाउनुभयो । तर कोचले उ होइन साम्बा हो कप्तान भन्नुभयो । यही कुरा पहिले नै भनेको भए प्रोब्लम नै हुन्थेन । तर त्यतिबेला हामीले कप्तानमा रेनुकाको नाम लेखाइसकेका थियांै । अर्कोलाई आर्मब्यान्ड लगाइदिँदा फाइन खानुपर्ला भन्ने भयो । यही विषयमा हेड कोचसँग विवाद भएको हो ।
