कमला देवकोटा, पाल्पा
हैन कति सुतिराखेको कस्तो खबर आयो सुन्नुन। आत्तिंदै रिताले भनिन् । हँ के भएछ र?रितेसले सोधे।
खै के जान्नु प्लेन बाट उत्रेर गाडीमा बसेका हजुरका भाइ बुहारीको गाडी एसिडेन्ट भएछ रे। चालक सहित तीन जना बेपत्ता भएरे।
ओहो लौ लौ बर्बादै पो भयो त रितेस अत्तालिंदै ज्याकेट भिरेर बाहिरिए। रिताले भनिन् । औषधि खानै थियो ल म पनि जान्छु। यी खाईहाल्नु त बोटल तेर्स्याईन्।
कस्तो देख्नु पर्नेहो , कहाँ गए भन्दै बर्बराउँदै बाहिरिए।
उनीहरुको बाईक बाटैमा ढल्यो। दुबै उछिट्टिए। उता बाट आवाज आयो ओहो कस्तो बज्रपात एक माथि अर्को।
आजै पल्लो घरका कान्छा कान्छी पनि एसिडेन्टमा परेको खबर छ। ढाँट्ने समाचारले छापेछ। यो त साँचिकै घटना पो भयो। ए हो र कस्तो बदमासी। घटनास्थल बाट सकि नसकी उठेका जोई पोई ले भन्दै थिए। अर्काको सिको गर्ने देशका जनताले कहिल्यै सुख पाउने भएनन् । आज हामी पनि हतार गर्दा यसैको सिकार भयौँ।अप्रिल फस्ट मु्र्दाबाद।
