वीर योद्धाहरु ………………..
वीर योद्धाहरु अगाडि बढ अन्तिम लडाई लडनु छ
यो देशको पराक्रमी सन्तति भएर देखाउनु छ
नेपाल आमाले आँसु झारी पुकार गर्छिन
नजाउ है देश छोडी आफ्ना सन्ततिलाई भन्छिन
परेको बेला देशको लागि जीवन अर्पण गर्नु छ
आफू जन्मेको ठाउँको मनै देखि माया छ
यहि राष्ट्रमा छ विश्वभरिकै उच्च हिमाल
आउ सबै मिलौ अब सुन्दर बनाउनु छ नेपाल
यो देश बनाउने नेपालीले नै हो
अब देश विकासको लागि अगाडि बढनुपर्ने हो
देशको कला संस्कृति बचाउनु पनि छ
हे वीर हो नडराएर हिड देशको रक्षा गर्नु छ
जो जहाँ भए पनि एकै सन्तति हौ मातृभुमिको
देशको मायाले आएका छौ रक्षा गर्नु छ देशको
नेपाल आमालाई सम्झिदाको खुशी बढाेस मनको
देशको हित गर्न मन सधै लागिरहोस् हाम्रो
वीर योद्धाहरु अगाडि बढ अन्तिम लडाई लडनु छ
यो देशको पराक्रमी सन्तति भएर देखाउनु छ
नेपाल आमाले आँसु झारी पुकार गर्छिन
नजाउ है देश छोडी आफ्ना सन्ततिलाई भन्छिन
-गोबिन्द राज ओझा (राजन)
