Wednesday 24th July 2024

९० देश र अन्तर्राष्ट्रिय संघसंस्था सहभागी सम्मेलनमा पुटिनको शर्त अस्वीकार


इटाली र जर्मनीले युक्रेन युद्ध अन्त्य गर्न रुसी राष्ट्रपति भ्लादिमिर पुटिनको शर्त अस्वीकार गरेका छन् ।

व्यापक छलफलपछि स्विट्जरल्याण्डमा युक्रेनले आयोजना गरेको सम्मेलनमा भेला भएका देशहरूले पुटिनको शर्त अस्वीकार गरेका थिए । इटालीका प्रधानमन्त्री जर्जिया मेलोनीले रुसी राष्ट्रपति भ्लादिमिर पुटिनको शान्ति योजनालाई प्रोपागाण्डा भनेकी छन् । जर्मनीका चान्सलर ओलाफ स्कोल्ट्जले यो ‘तानाशाहको शान्ति’ भएको बताएका छन् । युक्रेनमा रुसको हमलापछि स्वीट्जरल्याण्डमा हुन लागेको यो शान्ति सम्मेलन विभिन्न देश र अन्तर्राष्ट्रिय संघसंस्थाको सबैभन्दा ठूलो बैठक हो । यसमा ९० देश र अन्तर्राष्ट्रिय संघसंस्था सहभागी छन् । यो सम्मेलन सुरु हुनुभन्दा दुई दिनअघि पुटिनले आफ्ना शर्त राखेका थिए ।

पुटिनले युक्रेनमा युद्ध रोक्न दुईवटा शर्त राखेका थिए ।

पहिलो, युक्रेनले डोनेट्स्क, लुहान्स्क, खेरसन र जापोरोज्यबाट आफ्ना सेना फिर्ता गर्नुपर्नेछ। दोस्रो, युक्रेन नेटोमा सामेल हुने छैन। युक्रेन संकट अन्त्यका लागि स्वीट्जरल्याण्डमा आयोजित दुईदिने बैठकमा घोषणापत्रको मस्यौदा तयार गरिएको हो । घोषणाले युक्रेनको क्षेत्रीय अखण्डता र यसविरुद्धको कुनै पनि आणविक खतरालाई स्पष्ट रूपमा अस्वीकार गरेको छ।

यो घोषणापत्र आइतबार औपचारिक रुपमा स्वीकृत हुनेछ । यसले विश्वव्यापी खाद्य सुरक्षाका लागि ब्ल्याक सी र अजोभ सागर हुँदै व्यावसायिक जहाजहरू आवतजावत गर्न अनुमति दिन आवश्यक भएको पनि बताएको छ।

“युक्रेनको स्वतन्त्रता, सार्वभौमसत्ता र क्षेत्रीय अखण्डतासँग कुनै सम्झौता हुँदैन,” युक्रेनी राष्ट्रपति भोलोडिमिर जेलेन्स्कीका प्रमुख आन्द्रेई येर्माकले स्विट्जरल्याण्ड शिखर सम्मेलनको क्रममा बीबीसीलाई भने।


सम्बन्धित शीर्षकहरु

गएको शुक्रबार माइक्रोसफ्टद्वारा सञ्चालित कम्प्युटर प्रणालीमा भएको गडबडीको कारण सारा विश्व चिन्तित भएको बेला चीनमा सबै कुरा राम्ररी चलिरहेको थियो…

हालै अमेरिका र वेस्ट इन्डिजमा सम्पन्न टी–२० विश्वकपमा ठुलो घाटा भएपछि अन्तर्राष्ट्रिय क्रिकेट काउन्सिल (आईसीसी) ले तीन सदस्यीय समिती गठन…

डेमोक्रेट पार्टीबाट राष्ट्रपतिको उम्मेदवार बन्ने दौडमा रहेको कमला ह्यारिसलाई १९३ डेमोक्रेट सांसदको समर्थन पाएकी छन् । राष्ट्रपति जो बाइडेन २०२४…

प्रतिकृयाहरू
...