धरानबाट भोजपुर जाँदै गरेको बलेरो जिप उदयपुरमा दुर्घटना हुँदा घटनास्थलमै ७ जनाको मृत्यु

धरानबाट भोजपुर जाँदै गरेको जिप उदयपुरमा दुर्घटना हुँदा ७ जनाको मृत्यु भएको छ । धरानबाट जाँदै गरेको को १ ज २५९३ नम्बरको जिप उदयपुर र भोजपुरको सिमाना बेलका नगरपालिका, मैनामैनीनजिकै दुर्घटना भएको हो । सडकबाट करिब २०० मिटर तल खसेर दुर्घटनाग्रस्त भएको बलेरो जीप दुर्घटनामा परि सवारी चालक सहित १ बच्चा, ३ महिला र २ पुरूषको मृत्यु भएको छ ।

को १ ज २५९३ नम्बरको बोलेरो बिहान साढे १० बजेतिर दुर्घटना भएको प्रहरीले जनाएको छ । मृत्यु हुनेको सनाखत हुन सकेको छैन । ओरालो सडकमा ब्रेक फेल भएर दुर्घटना भएको हुनसक्ने अनुमान गरिएको छ । यद्यपि दुर्घटनाको कारण खुलेको छैन । घटनाको अनुसन्धान भइरहेको प्रहरीले जनाएको छ ।

जिपमा चालक र सहचालक सहित १६ जना रहेको बताइएको छ ।