दक्षिण अफ्रिकाको जोहानेसवर्गमा एक भवनमा बिहीबार बिहान आगलागी हुँदा ६४ जनाको मृत्यु भएको छभने अन्य ४३ जनाभन्दा बढी घाइते भएका छन् । पाँच तले उक्त भवनमा घरबारविहीनहरू बस्ने गरेका थिए ।
आगजनी भएको भवनमा खोज तथा उद्धार जारी रहेको तथा मृतकको सङ्ख्या बढ्नसक्ने बताइएको छ । यो भवनमा करिब २०० जना घरबार बिहिन मानिस अनुमति बिना बसिरहेका थिए । न्यायो बनाउन बालेको आगो अन्य ठाउँमा सल्किएर आगलागी भएको स्थानीय सरकारी अधिकारीले बताएका छन् ।
आगो निभाउने प्रयासमा दमकलका कर्मचारी प्रत्येक तलामा परिचानलन भएका छन् । घाइतेलाई अस्पताल पुर्याइएको छ । आगलागीको कारण भने खुलेको छैन । केही समयअघिसम्म शहरको प्रमुख आर्थिक एवं व्यापारिक केन्द्रमा रहेको उक्त भवनमा घरबारविहीन स्थानीय जबरजस्ती बसेका बताइएको छ । आफ्ना सरसामान जोगाउने प्रयासमा केहीले ज्यान नै गुमाएका जनाइएको छ ।
