सुडानको राजधानी खार्तुममा गत शनिबारदेखि जारी विद्रोही अर्धसैनिक बल र्यापिड सपोर्ट फोर्स (आरएसएफ) र सरकारी सेनाबीचको झडपमा करिब दुई सय भन्दा बढीले ज्यान गुमाएका छन् भने एक हजार सय जना घाइते भएका छन् ।
जारी लडाइँका बीच राजधानी खार्तुमका सडक र आसपासमा लडिरहेका शव उठाउन नसकिएको अन्तर्राष्ट्रिय मिडियाले जनाएका छन् । सुडानका सेना प्रमुख अब्देल फताह अल बुरहान र उनका सहायतक मोहमद हमदान डगालो नेतृत्वको अर्धसैनिक बल र्यापिड सपोर्ट फोर्स (आरएसएफ)बीचको जारी द्वन्द्वले देशलाई गभ्भीर अराजकतातर्फ धकेलेको छ । भीषण युद्धका कारण अस्पतालहरू क्षतिग्रस्त भएका छन् भने सहायताका काममा अवरोध उत्पन्न भएको छ ।
हाल सरकारी सेना र र्यापिड सपोर्ट फोर्स (आरएसएफ) बीच झडप भएको हो ।
आएरएसफले गत साता नै राजधानीका प्रमुख स्थान नियन्त्रणमा लिएको दाबी गरेपछि सेनाले पनि आरएसएफको बेसक्याम्प रहेको क्षेत्रमा हवाई आक्रमण गरेको थियो । उक्त हवाई आक्रमणपछि दुवै पक्षबीच गोली हानाहान भएको हो ।
सन् २०२१ मा सैन्य कु भएपछि सेनाले नै त्यहाँको राज्य सञ्चालन गर्दै आएको छ । सन् २०२१ अक्टुबर २५ मा जनरल अब्देल फत्ताह अल-बुर्हानले सत्ता कब्जा गरी सैन्य बलबाटै सुडानको राज्य सञ्चालन गर्दै आएका छन् ।
