Friday 29th March 2024

गल्ती ढाक्न,स्थानीय शासनद्वारा निर्दोष बिष्णु माथी कानुनको प्रहार


तीतोपाटी- बलियो राज्यले जब नागरिकमाथि ज्यादती गर्छ।अनी त्यो राज्यको कानुन र सम्बन्धित निकायप्रति संका उत्पन्न हुने गर्दछ।

यस्तै भयो अर्घाखाँची जिल्लाको सन्धिखर्क नगरपालिका, खाँचीकोटस्थित सुपादेउरालीमा, घटना एकदम सामान्य थियो। तर त्यहा अवस्थित राजनितिक पार्टीका केही कथित व्यक्तिद्वारा योजनाबद्द ढंगले फसाउन खोजिएको प्रष्ट देखीन्छ। एकजना नागरिकलाई फसाउन स्वतन्त्र नागरिक बाहेक सिंगो समाजनै लाग्यो भने केसम्म हुन्छ ? कानुन कार्यान्वयनको जिम्मेवारी पाएको प्रहरी र अभियोजन गर्ने सरकारी निकायनै बदनियत राखे भने कस्तो अवस्था आउँछ ? राज्य संयन्त्रको गैरजिम्मेवार व्यवहारका कारण निर्दोष नागरिकले भोग्नु परेको पीडा के बयान गर्नु र। सन्धिखर्क नगरपालीका ७ घर भई लामो समयदेखी भारतको महाराष्ट्रस्थित पुना भन्ने ठाउमा अध्यनरत- पिडीत विष्णु थापाले बिना कसुर सात दिन प्रहरी नियन्त्रमा रहनु परेको बताउदै उक्त षड्यंत्र कार्यमा ठुलो गिरोह परिचालित रहेको बताए। खाँचीकोटमा जन्मिएका थापा बाल्यकाल देखीनै पढ़ाईमा उत्कृष्ट रहदै आएका थिए । पढाइको भुत चढ़ेको थापालाई नत आर्थिक कारणले रोक्न सक्यो नत बिरोधी तत्त्वहरुलेनै, संघर्षकै मैदानबाट चार पटक विभिन्न बिधाबाट डिग्री हासिल गरेका थापा, अहिले चार्टड अकाउण्टेंसको अन्तिम तयारीमा जुटेका छन।त्यसो त पक्राउ पर्नेहरु कुल ६ जना रहेका थिए। ६ जना मध्य कमल केसी नामक व्यक्ति स्वास्थ्य अनुकुल रहेकाले आवश्यक परे जुनसुकै बेला हाजिर हुने शर्तमा सोही दिन रातीनै रिहाई गरीएको थियो।अन्य पाँच जनालाई भने सात दिनको प्रहरी हिरासत पछी धरौटीमा छोडीएको हो।

“घटनाको सुरुवात यसरी भएको थियो”

गत चैत्र चार गतेका दिनमा अर्घाखाँची जिल्लाको, सन्धीखर्क नगरपालीका ७ मा अवस्थित देशकै प्रसिद्द धार्मिकस्थल मध्यको एक सुपादेउराली मन्दिर पर्दछ। उक्त मन्दिर परिसरमा स्थानीय दुई युवा व्यापारीद्वारा एक आपसमा सामान्य भनाभन भएको र हल्का हातपातको स्थिती सृजना उत्पन्न भएको थियो। सोही घटनालाई रोक्नका लागी बिष्णु थापाले एक सचेत नागरिकले निभाउनु पर्ने भूमिका निभाएको देखीन्छ। घटना सामान्य रहेता पनी बिगतको लामो समय देखी सोही क्षेत्रमा थापाले बेथिती, विसंगति बिरूद्द चर्को रूपमा आवाज उठाउदै आएका थिए।थापाको उक्त आवाजलाई बारम्बार दबाउन खोजिएको पनी हो तर अनेकन प्रयास असफल साबित भएपछी अन्तिम अस्त्र प्रयोग गरेको पाइन्छ। तथापी उक्त प्रयास पनी असफलनै रहो। सामान्य विवादमा पक्रीएका थापाले आफ्ना विरोधीहरुले आफूलाई नियोजित ढंगले फसाउन र आगामी यात्रालाई पुर्णविराम दिन खोजीएको बताएका छन। घटनालाई बुझ्दै जाने क्रममा सार्वजनिक मुद्दा हाल्ने विषयमा समितीभित्र कुनै किसिमको छलफलनै नगरी सुपादेउराली मन्दिर समितिका अध्यक्ष समेत रहेका फर्स बहादुर केसी र उनी संग निकट केही सीमित व्यक्तिद्वारा मनमानी ढंगले उक्त निर्णय गरिएको समितिका सदस्यहरुले बताएका छन। आफुले गाउ अनी समाजभित्रको अनिमीयतताको बारेमा खुलेर विरोध गर्ने गरेकोले आफुप्रति मन्दिर समितीका नेतृत्वकर्ताहरुले जालसाझी गरी आफुमाथी झुठो आरोप लगाएर फसाउने षड्यंत्र रचेको पिडीत थापाले बताएका छन। इलाका प्रहरी कार्यलय ठाडामा थापा, सात दिनको प्रहरी हिरासतमा रहदा प्रहरीद्वारा त्यस्तो कुनै पनी किसिमको अपमानजनक व्यबाहार नभएको बताउदै प्रहरी प्रशासनप्रति धन्यवाद व्यक्त गरेका छन। थापा अतिअवस्यक कामले गर्दा केही दिनको लागी नेपाल आएका हुन भने पुन अब छिट्टै भारत फर्किए लागत्तै अन्तिम परीक्षाको तयारी थाल्ने बताए।


सम्बन्धित शीर्षकहरु

जापानमा कोलेस्ट्रोल कम गर्न प्रयोग गरिने ‘डाइटरी सप्लिमेन्ट’ (औषधीय आहार) का कारण दुई जनाको मृत्यु हुनुका साथै १०० जनाभन्दा बढी…

ग्लोबल आइएमई बैंक र विश्व बैंक समूहको सदस्य अन्तर्राष्ट्रिय वित्त निगम (आईएफसी) बिच जोखिम व्यवस्थापन, जलवायु वित्त तथा लैङ्गिक वित्त…

"पाँच तत्त्व पाँचै विकार, पञ्चाङ्ग नै ठिक आधार" विधा :- पञ्चाङ्ग अभ्यास गर्ने थलो :- पञ्चाङ्ग साहित्य समाज वर्ष ३…

प्रतिकृयाहरू
...