दक्षिण अफ्रिकाको जोहानेसबर्ग नजिकै रहेको सोवेटो सहरको एउटा बारमा कम्तीमा १४ जनाको गोली हानी हत्या भएको प्रहरीले जनाएको छ । प्रहरीका अनुसार बन्दुकधारीहरू आइतबार बिहान ओर्लान्डो ईस्ट टेभर्नमा प्रवेश गरे र युवाहरूको समूहमा अनियमित रूपमा गोली चलाउन थाले। त्यसपछि उनीहरु सेतो मिनीबसमा भागेका थिए ।
प्रहरीका अनुसार बन्दुकधारीहरू राइफल र नाइन एमएमको पेस्तोल लिएर बारभित्र पसेका थिए । आक्रमणको कारण खुल्न नसकेको प्रहरीले जनाएको छ ।
घाइतेहरुको उमेर १९ देखि ३५ वर्षको रहेको बताइएको छ । घटनास्थलमा प्रहरी पुग्दा रगतले लत्पतिएका १२ जना मृतकका खात फेला परेका थिए । गोलाबारीमा घाइते भएकाहरूको अस्पतालमा उपचार भइरहेको छ । अस्पतालमा भर्ना भएकामध्ये २ जनाको अस्पतालमा मृत्यु भएको छ । अस्पतालमा थप धेरै व्यक्तिहरू गम्भीर अवस्थामा रहेको बताइएको छ ।
